لو مش عارف تكلم البنت اللى انت معجب بيها ممكن تشوف الكلام دة
سيادتك المفروض لو نفذت كل الكلام ده بتفاصيله و حذافيره
حتلاقي نفسك و بإذن الله بتكلم البنت اللي بتحبها على الأقل مرة
بعد شوية بتظهر مشكلة "أكلمها في ايه" يعني أنت قاعد معاها
بس مش عارف تقول لها إيه؟ تتكلموا في ايه
بعيد عن الحب أو إزاي تقول لها كلام حلو و كده يعني
إنهاردة إن شاء الله أحل لك المشكلة دي
مبدأياً برضه نتفق على حاجة
انت مش طول ما انت قاعد حتقول كلام حب
لا تبقى غلطان جدن , أصلك حتجيب منين يعني ؟؟ النظام الحديث بيقول لك
تتكلم كلام عادي و إرمي كلام حلو في النص ، يعني شيكولاته بالمكسرات
مش جبنة براميلي....طبعاً البنات لا مؤاخذة رغايين شوية ،
استغل النقطة دي و حاول تخليها هي اللي تتكلم ، و طول ما انت ساكت و بتسمع و بتعلق بكلمتين تلاته بالكتير فانت كده الشاب الرزين اللي أي بنت تموت فيه
حتسألها عن هواياتها طبعن و بتقضي وقتها ازاي ، و ايه أهم حاجة بتعملها اليومين دول
و كده يعني...و طبعن بلباقة تخش من موضوع على موضوع و كده
و طبعن لما تقول لك على اللي هي بتحبه
قول لها:"آه فعلن أنا أعرف إن الناس الرقيقة بتحب كده"
أو مثلن "دي حاجة أنا بحب اللي بيعملها جداً"
وطبعاً انت هنا بترمي على معنى معين ... و ده حياخد وقت طوييييل أوي
على ما هي تخلص كلامها ... و فجأة حييجي دورك .
نصيحة لله يعني تبقى مجهز إجابات الاسئله المتوقعه
بعد شوية و يمكن بعد كام مرة حيخلص الكلام ده
يبقى مطلوب منك إنك تحكي على مواقف مريت بيها و كده
وعيش بقه يا معلم ,,,,,,,
و هنا بقى انت هتدعيلي جدن
و البنات هتدعي عليا جدن جدن